Politeerpassuit aallaasersortutut pasineqartumik ujaasipput.Assi: Reuters Tv/Reuters/Ritzau Scanpix

New Zealandimi politiimik toqutsisutut pasisaq ujarneqartoq

Aucklandip kippasinnerusortaani atuarfiit politiit marluk aallaasersorfigineqarnerisa kingorna matoqquneqarput.

New Zealandimi politiit marluk aallaaneqarnerisa kingorna ujaasineq annertooq aallaartippoq.

Politiip aappaa ikiligaanermi kingorna toquvoq aappaalu annertuumik ikiligaalluni.

Politikommissær Andrew Coster tusagassiortunik katersortitsinermi taama oqaluttuarpoq.

- Annilaarnartorujussuuvoq, politiit ilaqutaasullu taama kalerrinneqarnissaanik ajornerpaavoq, Andrew Coster oqarpoq.

Politiit Aucklandip kippasinnerusortaani biilinik ingerlaartut ileqquusumik misissuiffigineqarneranni aallaaneqarput.

Politeerpassuit aallaasersortutut pasineqartumik ujaasipput.

Atuarfiit aallaasersorfiusup eqqaaniittut matoqquneqarput.

AAMMA ATUARUK New Zealandimi toqoraasoq peqqarniisaarniarsimasutut aamma unnerluutigineqartoq

Christchurhimi musiliimit 51-it qinusarfianni siorna allaaneqarlutik toqutaanerisa kingorna sakkut pillugit inatsit marloriarlugu sukateriffigineqarmat New Zealandimi aallaasersortoqarpiartanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat