New Zealand-imi atuartut unammipput ajugaagunik nunatsinnukassallutik

Nunarsuup iluatungaani New Zealand-imi meeqqaat atuarfiini atuartut angajulliit eqqarsaatigileruttorpaat nukissiuutit atorneqarnerisigut qanoq sipaarniartoqarsinnaanersoq. . Eqqarsaleruttornerminnilu kalaallit nunaat eqqarsaatiminiitippaat. Nukissiuutitigut atuinermi qanoq sipaaruteqartoqarsinnaanermik unammisitsineq video-liornikkut unammissutigineqassaaq, ajugaasullugooq augustip qaammataani nunatsinnukarnissartik akissarsissutigissavaat.

Nelson-imi ilinniarnertuunngorniat atuarfianni atuartut pingasut nukissiuutitigut qanoq sipaarniartoqarsinnaanersoq isumassarsiartik pillugu video-liorsimapput, isumassarsiartillu piviusunngortissimavaat.

Video-liornissaminnut najugaqarfigisaminni ilinniartut najugaqaqarfigisaanni innaalligissap qanoq sipaarutigineqarsinnaanera pillugu paasisitsiniaapput, tamatumalu kingunerisimavaa atuarfiup innaallagissamik atuinera procentinik 15-inik anikilleriarneranik, rektor-ilu Gary O`Shea oqaluttuarsimavoq, qaammatip ataatsip ingerlanerani 5.000 dollars-inik sipaartoqarsimasoq.

Unammisut julip qaammataani ajugaaniutivinnissapput, tassanimi paasineqassaaq kikkut Kalaallit Nunaannukassanersut.

Nunatsinniinnerminni nunarsuup kiatsikkiartornerata sunniutai misissussavaat, sermersuarmukassallutik, videoliussappullu minutsinik qulinik sivisussusilimmikz New Zealand-imi atuarfinni takutinneqartussamik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat