ill de Blasio, demokratit sinnerlugit præsidentimut aappaagu 2020-mi qinersinissamut sassarniarpoq.Assi: Kevin Case/Flickr Creative Commons

New Yorkip borgmesteriata Donald Trump 2020-mi unammillerusukkaa

New Yorkip borgmesteria, 58-inik ukiulik Bill de Blasio, demokratit sinnerlugit præsidentimut aappaagu 2020-mi qinersinissamut sassarniarpoq.

Qineqqusaarutitut videoliamini taama ilisimatitsivoq.

USA-p præsidentianut Donald Trumpimut, republikanerineersumut, unammillertit taamaasillutik amerleqqipput.

Aningaasarsiornikkut USA-mi naligiinnginnerujussuup iliuuseqarfigineqarnissaa Bill de Blasiop ilaatigut qineqqusaarutiginiarpaa. USA-mi innuttaasut akornanni tamanna tapersersorneqarnissaa de Blasiop naatsorsuutigaa:

- Aningaasarsiornikkut unittooqqasoqarnera, ilaatigullumi kinguariartortoqarnera, innuttaasut akornanni amerlasuut misigivaat. Aningaasaateqarnerillu taassuma saniatigut aningaasaateqarnerujartuinnarput, Bill de Blasio oqarpoq.

Trumpip akiorniarneqarnissaa aamma neriorsuutigaa.

New Yorkip borgmesteria Trumpimik isornartorsiuiuarsimavoq, Trumpip silap pissusiata allanngoriartorneranut upperinninnginnera, qimaasullu pillugit iliuuserisai isornartorsiortarlugit.

Bill de Balsiop nulia tassaaavoq Chirlane Mccray, taartumik amilik, arnaqatiminoortutullu ukiorpassuit matuma siornatigut saqqummerluni.

Demokratit sinnerlugit USA-mi præsidentimut sassartut ilaatigut tassaapput præsidentimut tullersortaasimasoq Joe Biden, senatorillu Bernie Sanders Kamala Harrisilu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat