New Yorkimi saassussisup toqumut pillagaanissaa Trumpip piumasarigaa
Sayfullo Saipov, lastbiilinik ingerlatsilluni inunnik piaaraluni apuivoq, inuillu arfineq-pingasut toqutaallutik.
Peqqarniisaarniat Islamisk Statimeersut sinnerlugit saassussinini Saipovip nassuerutigaa, peqqarniisaarniallu erfalasuata napparsimmavimmit amuneqarnissaa piumasarisimallugu.
Toqutsinerillu iluarusuutigalugit nammineq oqaatigisimavaa.
Oktobarip ulluisa 31-anni saassussinissani qangali pilersaarutigisimallugu oqaatigaa, Halloweenertoqarneratami nalaani aqqusernit inoqarluarnissaat ilimagisimagamiuk.
29-nik ukiulik saassussisoq Uzbekistanimeersuuvoq, politiiniillu aallaaneqarnermi kingorna kaassuartakkami issialersimavoq, Manhattanimilu eqqartuussivimmut sassartinneqarami tigummigallagassanngortinneqarpoq.
Peqqarniisaarniat Islamisk Statimeersut erfalasuata New Yorkimi napparsimmaviit ilaanni amuneqarnissaanik Saipovip piumasaqaataa, USA-p præsidentiata Donald Trumpip ullaaq manna oqaaseqarfigimmagu Saipovip toqumut pillagaanissaa piumasaraa.