New Yorkimi qaartoqartoq
New Yorkimi arfininngormat unnukkut qaartoqarpoq. Qaartartoq Manhattanip kujasinnerusortaaniittumi containerimut eqqaavimmut toqqorneqarsimasoq qaartinneqarmat inuit 29-t ikilerneqartut, nutaarsiassaqartitsivik Reuters allappoq.
Allattoq Ritzau
septembarip 18-at 2016 18:52
Nutserisoq Ivik Kristiansen
Peqqarniisaarniallu qaartitsisuusut New Yorkip guvenøriata, Andrew Cuomop oqaatigaa. Qaartitsinerulli nunarsuarmi peqqarniisaarniarnermut atassuteqarnissaanut takussutissaqarpasinngilaq.
Qaartitsinermut suna pissutaanersoq suli naluneqarpoq.
Inuit 29-t qaartoqarnerani ikilerneqartut napparsimmavimmit angerlartinneqareertut, New Yorkimi borgmesterip, Bill de Blasiop tusagassiortunik katersortitsinermini nalunaarutigaa.
Qaartitsiffimmi ippassaq misissuisoqarmat trykkogerimik oqarasuaateq angallattagaasorineqartumut ledninginik atassuserneqarsimasoq qaartartutullu isikkoqarsinnaasoq nassaarineqarpoq.
Trykkogeri New Yorkip politiivisa qaartartulerisartuinit peerneqareerpoq.
