New York Marathonimi kalaallit peqataasut ajunngikaseqaat

Amerikami illoqarfissuup aqquserngini 42,2 kilometerinik arpannersuarmi Klaallit Nunaanneersut 13-it peqataapput.

Angusarissaarnerpaavoq 42-nik ukiulik Frederik Brummerstedt, tassa normu 499-itut inissikkami, ukioqatimilu akornanni normu 85-itut aamma inissilluni.

Kalaallini arpaqataasuni inuusunnersaq, 25-nik ukiulik, Kattie Frederiksen, arnani arpaqataasuni aamma angusaqarluaqaaq, angusat katinneqarmata normu 782-itut inissipput. Ukioqatimi akornanni Kattie Frederiksen normu 243-tut inissippoq.

Kalaallit Nunaanniit arpaqataasuni utoqqaanersaq, 61-inik ukiulik Eskild Godtfredsen, annguttuni normu 19.852-iuvoq, ukioqatimili akornanni normu 472-itut inissippoq – Eskild Godtfredsenip nalunaaquttap akunneri sisamat minutsillu 32-t atorpai – ukioq-manna ajugaasumiit piffissap marloriaatingajaa. Kalaallit ajunngikaseqaat!