New York Film Academy-mi ilinnialernissamut akuerineqartoq

Kalaaleq Pipaluk Kreutzmann Jørgensen Kalaallit Nunaat pillugu atuagassiami Greenland Todayimi ilisaritinneqarpoq.

31-nik ukiulik filmiliortarpoq, isiginnaartitsissutini ilitsersuisuusarluni isiginnaarutitigullu takusassianut aamma ilitsersuisarluni.

Taanna New York Film Academymi ilinnialernissaminut maanna akuerineqarsimavoq:

- Tulliani filmiliassannut atatillugu tassani ilinnialernissara siunniuppara. Filimiliassara naatsukullaavoq, ateqarlunilu ANORI, Pipaluk Kreutzmann Jørgensen oqarpoq.

Allamilli maanna suliaqarallarpoq.

- Filimi pisimasuinnik tunngavilik maanna suliarivara, nunailu allani aamma takusassiaasinnaalluni. Filmi taanna Henrik Fleischerimit, Københavnimi najugalimmit, maanna katiterneqaleruttorpoq, Pipaluk K. Jørgensen oqarpoq.

Taassuma qitilluni isiginnaartitsissusiaa 'Tulugaq', isiginnaartitsissusiarlu "Oqarit Inuullutillu" pisimasuinnik tunngavilerlugu filmiliami 'A gift'-imi takuneqarsinnaapput. Isiginnaartitsissutit taakku Canadami illoqarfinni annerni siorna 2011-mi isiginnaartitsissutigineqaqattaarput.

Toronto, Ottawa amma Montreal tikinneqarput, soorlu aamma Nunavummi Nunavimmilu isiginnaartitsisoqartoq.

Filmi Nuummi aappaagu januaarimi takuteqqaarneqassaaq.