Indiami innuttaassuseqarneq pillugu inatsimmut nutaamut tapersiisut akerliusullu New Delhimi ataasinngornermi eqqissiviilliorujussuarput.Assi: Stringer/Reuters/Ritzau Scanpix

New Delhimi Trumpip tikinnissaa sioqqullugu eqqissiviilliortoqaqisoq

Politeeq Indiap illoqarfiisa pingaarnersaanni New Delhimi ataasinngornermi aporaattoqarnerani innutaassuserlu pillugit akerliussutsimik takutitsisoqarnerani toqutaavoq.

Taama pisoqarpoq amerikamiut præsidentiata Donald Trumpip New Delhimut tikinissaa ullormik ataatsimik sioqqullugu.

Indiami innuttaassuseqarneq pillugu inatsit decembarimili saqqummiunneqarmat Indiami sumiiffinni amerlasuuni akerliussutsimik takutitsisoqartarpoq.

Inuit 30-t eqqissiviilliornerni toqutaasut

Innuttaassuseqarneq pillugu inatsisip atuutilerneranit eqqissiviilliortarnerit inuit 30-it toqutaanerannik kinguneqarput.

Inatsit nutaaq nunani allani sumiffinni amerlasuuni isumakulutsitsivoq, indiamilu ministeriuneq Narendra Modi isornartorsiorneqangaangatsiarluni.

Modi pisuutinneqarpoq, hindumik upperisallit kisimik Indiami najugaqalernissaannik iliuuseqartoq, Indiamilu musliimit 200 millioninik amerlassuseqartut ajornerusumik pineqartutut misigisimallutik.

Politeeq Indiami innuttaassuseqarneq pillugu inatsimmut nutaamut tapersiisut akerliusullu ataasinngornermi eqqissiviilliorneranni toqutaavoq. Assi: Danish Siddiqui/Reuters/Ritzau Scanpix

 

New Delhip ilaani muslimit amerlanerusut najugaqarfigissaanni ataasinngornermi sakkortuumik aporaattoqarpoq, politiillu gassimik qulliliornartunik qaartartunillu pujuliortartunik atuisariaqarsimallutik.

Politeeq niaqqumigut anaaneqarnermi kingorna toquvoq politeerlu alla aqqunartiterluni.

Innuttaassuseqarneq pillugu inatsisip atuutilerneranit eqqissiviilliortarnerit inuit 30-it toqutaanerannik kinguneqarput. Assi: Danish Siddiqui/Reuters/Ritzau Scanpix

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat