- Naalakkersuisoqatigiit Netanyahumit aqunneqartut peqataaffiginianngilarput, partii Blå og Hvid oqarpoq.Assi: Gil Cohen-Magen/AFP/Ritzau Scanpix

Netanyahu siammasissumik naalakkersuisoqatigiiliornissamut itigartinneqartoq

Israelimi inatsisartunut ippassaani marlunngornermi qinersisoqareersorlu siammasissumik naalakkersuisoqatigiiliornissamut piareeqqanini, Israelimi illuatungiliuttut siuttuata Benny Gantzip ullumi oqaatigaa.

Taassuma partiia suleqataalu Blå og Hvid, Israelimi maannamut naalakkersuisuutitaqartut Likudimeersut qinersinermi naligiittorujussuupput.

Namminerli aatsaat ministeriuninngussagunani naalakkersuisoqatigiinnik siammasissunik pilersitsinissamut ammanini, Benny Gantzip oqaatigaa.

Maannamummi ministeriunerup Benjamin Netanyahup siammasissumik naalakkersuisoqatigiiliortoqassappat siuttuunnginnisaa piumasaralugu, Gantzip oqaatigaa.

Likudikkut, Gantzip partiia Blå og Hvid suleqatigalugit siammasissumik naalakkersuisoqatigiiliorsinnaanissaat Netanyahup ullumi siusinnerusukkut neqeroorutigaa.

AAMMA ATUARUK Partiit siuttut marluk Israelimi qinersinermi naligiittorujussuusut

Netanyahu nammineq ministeriunerusussatut tassani piukkoorpoq.

- Naalakkersuisoqatigiilli Netanyahumit aqunneqartut peqataaffiginianngilarput, partii Blå og Hvid oqarpoq.

Netanyahup politikkikkut suliani ulluni makkunani sukataarutigisorujussuuaa. Peqquserluttuliorsimasutummi pasineqarnini pillugu sapaatip-akunnerit tulliuttut ingerlaneranni unnerluutigineqassaaq.

Likudikkut suleqatigalugit naalakkersuisoqatigiiliornissamut ammanini, Gantzip siusinnerusukkut oqaatigaa, Netanyahuli tassani peqataassanngitsoq, Gantzip kissaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat