Netanyahu Likud-partimi siulittaasutut ingerlaqqittoq

Israelimi partiimi talerperlerneersumi Likudimi siulittaasussatut ippassaq qinersisoqarnerani Israelimi ministeriunerugallartoq Benjamin Netanyahu ajugaavoq.
Likudimi ilaasortat akornanni 49 procentiinnaat qinerseqataapput. Benjamin Netanyahu 72,5 procentinit taaguunneqarpoq, unammillertaa Gideon Saars 27,5 procentinit taaguunneqartoq. Assi © : Jack Guez/AFP/Ritzau Scanpix
Allattoq Ritzau
decembarip 27-at 2019 09:34

Likudimi ilaasortat akornanni 49 procentiinnaat qinerseqataapput. Benjamin Netanyahu 72,5 procentinit taaguunneqarpoq, unammillertaa Gideon Saars 27,5 procentinit taaguunneqartoq.

Gideon Saarsip, Benjamin Netanyahumut ajorsarnini nassuerutigaa.

AAMMA ATUARUK Israelikkut ukioq manna pingajussaa qinersisussanngorpasilersut

Taasisukinnera assigiinngitsunik pissuteqarpoq.

Ullormi qinersiffimmi silarlunnera Netanyahullu ajugaanissaata ilimagineqarnera ilaatigut pissutaapput.

Benjamin Netanyahu Israelimi inatsisartunut aappaagu 2020-mi marsip ulluisa aappaanni qinersinissami qinigassanngortitani sallersaavoq. Israelimi inatsisartunut ukiup ataatsip iluani pingajussaa taamaasilluni qinersisoqartussanngorpoq.

AAMMA ATUARUK Israelip siuttua Netanyahu peqquserluttuliortutut unnerluutigineqartoq

Netanyahu akilerneqarluni arlaleriarluni peqquserluttuliorsimasutut pasineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq