Nersussuup savallu neqaanik nerivallaarnerup kingorna nillaavallaarneq silaannarmik mingutitsisarpoq

Bøf-imik 250 gram-imik neriguit silaannaq mingutsissavat, assigiinnarpaalu 20 kilometerisut isorartutigisumik biilerlutit silaannaq mingutsikkukku, taama nalunaarusiorput avatangiisit pillugit suliniaqatigiit Greenpeace

Taakku nalunaarusiaat naapertorlugu nunarsuaq tamaat isigissagaanni CO2-mik mingutitsinerup pingajorarterutaa nunaatilinnik piliarineqartoq nalilerneqarpoq.

Aviisimi Politikenimi allaaserineqarpoq Greenpeace allassimasoq maannangaaq tamanna iliuuseqarfigineqanngippat 2030-p tungaanut ingasattumik mingutitsineqalissasoq, allaat 60 procenti tikillugu mingutitsineqassalluni.

Tamannalu tunngavigalugu Greenpeace maanna ilaqutariinnut tamanut kajumissaarisaqattaarpoq sapaatip-akunneranut neqitunngiffimmik ulloqartitsisaqqullugit.

Mingutitsinerlugooq pineqartoq tassaavoq nersussuup neqaanik savallu neqaanik nerivallaaraanni nillaavallaartoqalertarmat taamaalillunilu silaannaq mingutsinneqalertarluni. Tassamigooq nileq metangas-iugami suliffissuit gassimik CO2-mik akulimmik aniatitsineranniilluunniit mingutitsinerusoq.

Aamma nunamut naggorissaat gassimik aniatitsisarsimaqaaq, naggorissaallu taanna CO2-mut naleqqiullugu 296-eriaammik mingutitsinerusimavoq. Danmarkimi nunamut naggorissaat 2,1 milliarder tonsi ukiumut atorneqartarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat