Nersussuup neqaa nunatsinneersoq pisiarineqarsinnaalissaaq

Brugseni nunatsinni niuertarfinni siullersaalluni nersussuup neqaanik nunatsinneersumik tuniniaalissaaq.
novembarip 23-at 2010 12:50

Nersussuit Irlandimeersut savaatillip Sofus Frederiksenip Narsap iluani narsaatimini uumasuutigai.

- Nersussuup neqaa pisisartunit mamarineqassappat taava savaateqarnermiit nersussuaateqarnermut ikaarsaarnissara siunertaraara, savaatilik Sofus Frederiksen oqarpoq.

Nersussuit neqaat Brugseni Nuummi misiligutitut siullermik tuniniarneqassapput.

- Nersussuit Dexterimik taaguuteqarput, nunarsuarmilu minnersaallutik. Ukioq kaajallallugu silamiissinnaapput neqitaalu mamarpoq annikitsuinnarmillu orsoqarluni, Kalaallit Nunaanni Brugsenimi pisortaq Olav Thomsen oqarpoq.

Brugseni Nuummi pisisartut siulliullutik nersussuup neqaanik nunatsinneersumik tallimanngornerup tulliani ooqattaarisinnaassapput.

Kujataani savaatillit naatitaat assigiinngitsut Kalaallit Nunaanni Brugsenimit ukioq manna nioqqutigineqarput, ilaatigut naatsiiarpassuit, naatitat naasullu assigiinngitsut.