Nunanit allanit

Nersussuit Qatarimut timmisartuunneqartut

Nersussuit taartunik milallit 165-it kangiani qiterlermi uuliiaateqarfimmut Qatarimut ullumi timmisartuunneqarput.
Allattoq Karsten Sommer
juulip 12-at 2017 12:54
Nutserisoq Knud Reimer

Nersussuit allat 3.800-t piffissami aggersumi Qatar-iliaanneqarnissaat aamma pilersaarutigineqarpoq.

Araberit nunaat sisamat Saudi Arabia siuttuliullugu Qatar-imik nioqqutissanik mattussisimanertik nersussuarnik taamannak tikisitsiortuinermut peqqutaavoq.

Nunat sisamat Qatarimut arlalinnik piumasaqaateqareerlutik - ilaatigut TV-qarfik Al-Jazzeramik matoqqusillutik - pimasaqaataanik itigartinneqarmata Qatar peqqarniisaartunik illersuisutut pisuutillugu niueqatigiinnermit mattuppaat.

Qatar ulluinnarni nioqqutissatik, soorlu neqit immullu Saudi Arabiamiit siornatigut pissarsisaraluarput maannali allamiit tamakkua pissarsiarniartussanngorlugit. Qatarermiut immunniit nioqqutissanik pissaqarumallutik allatut ajornartumik nersussuarnik tikisitsiortorput.

Nersussuit 165-it ullumi Qatarimut nunnittut Tysklandimiit pissarsiarivaat, nersussuillu allat 4.000-t tikisinneqareerpata nunap ulluinnarni immummik pisariaqartitsinerata 30 procentia matussuserneqarsinnaalissaaq.

Nersussuillumi Tysklandimeersut kiaguppallaannginnissaat neriuutigiinnarsinnaavarput.

Aamma atuaruk