Nersussuit nillaavallaarunnaarsikkusuppaat
Nersussuit nillaavallaarunnaarlutillu nissaappallaarunnaartarnissaat anguniarlugu enzyminik ineriartortitsisoqaleruttorpoq, danskillu ilisimatuuisa enzyminik pilersitsiniartuupput. Aviisimi Børsenimi tamanna atuarneqarsinnaavoq.
Allattoq Mads Lynge
apriilip 02-at 2008 05:33
Gassit silaannarmik kissakkiartortitsisartut Danmarkimi 4 procentii nersussuarnit pilersinneqartarput, nunanilu ineriartorfiusuni gassi aniatinneqartoq annertunerulluni.
Gassimik aniatitsisarneq annikillisarneqartariaqarnissaa taamaammat pisariaqartutut nalilerneqarpoq.
Københavnip Universitetiani professori Jørgen Madsen taama oqarpoq.
Inuussutissat akii qaffakkaluttuinnarmata, inuillu neqitoraluttuinnarmata enzymit nerukkaatissanut akuutigineqartartut annertusigaluttuinnarput.
