Nersornaatisisussamik toqqaasoqarpoq
Nunat Avannarliit pinngortitamut avatangiisillu atatillugu nersornaasiuttagaannik Norgemiu biologimut tunngasunik ilisimatooq Ann-Cecile Norderhaug, ukioq manna nersornaaserneqartussanngorpoq.
Nersornaat 350.000 kruuninik aningaasartaqarpoq, ukioq mannalu sammineqartoq tassaavoq Nunani Avannarlerni pinngortitami avatangiisinilu eriagisariallit.
Ann-Cecile Norderhaug Nunani Avannarlerni pinngortitami avatangiisinilu eriagisariallit pillugit immikkuullarissumik suliaqartuuvoq, pinngortitamilu uumassusillit naleqassusaannik saqqummilaarnerulersitsinera toqqaanermi immikkut isiginiarneqarsimalluni.
Ilisimasat nutaat saqqummersinnissaannut, suliffeqarfinnik pilersitsinermut sulinermilu periusissanik atortusanillu inerisaanermut suliaqartarnernini pillugit aamma nersorniarneqarpoq.
Norge tamakkerlugu pinngortitami avatangiisinilu eriagisarialinnik nalunaarsuinermi siullerpaami pingaaruteqarluinnartutut Ann-Cecile Norderhaug inissisimasutut oqaatigineqarpoq.
Nunani Avannarlerni Siunnersuisoqatigiit Reykjavik-imi oktobarip 26-anni ataatsimiinnerannut atatillugu nersornaasiisoqassaaq.
Nunat avannarllit nersornaasiisarnermut naliliisartui aqqaneq-marluusut tamarmik nunani avannarlerneersuupput.
