Nersornaat sølviusoq aappariinnut tunniunneqarpoq

Namminersornerullutik Oqartussat nersornaasiuttagaat sølviusoq Ilulissani aappariinnut Agnethe aamma Andreas Lundbladimut Inatsisartut Siulittaasuannit ippassaq tunniunneqarpoq.
decembarip 09-at 2008 09:44

Appariit Agnethe aamma Andreas Lundblad Nersornaat sølvimik tunineqarput ilaatigut sulilluartuunertik inoqatiminnullu maligassuisuunertik pissutigalugu.

Andreas Lundblad aalassarikkallarami inuunini tamaat aalisartutut piniartutullu inuussutissarsiuteqarpoq, aalisarnerullu ineriartortinnerani ingerlanneqarneranilu aalajaatsuulluni suleqataanikuuvoq, aalisarnerullu inuussutissarsiutitut aallaqqaammulli ineriartornerani annertunerujartuinnartumik peqataanikuulluni.

Andreas Lundblad aamma peqatigiiffik Qajaq aallarnerneqarmat tunngavileeqataanikuuvoq.

Agnethe Lundblad ukiorpassuarni uiminut ikorfartuisuusimavoq. Agnethelu 1960-ikkunni sulinermik inuussutissarsiuteqalernermini inunnik isumaginninnermi ikiortitut sulinisimavoq, soraarninngornissamilu tungaanut taamatut suliaqarnini aallutiinnarlugu. Agnethe Lundblad ukiorpassuani Nuummi Kommunalbestyrelsimi ilaasortaasimavoq.

Aappariit Kangaatsiamit kingoqqisuupput, 1960-imilu Nuummut nuullutik. 1992-imi Ilulissanut nuupput.