Nersornaat nittartakkakkut tuniniarneqartoq
Danmarkimi kunngikkormiut Irakimi kisermaassilluni naalakkersuisuusimasoq nersornaammik tunineqarnikuunnginnerarpaat, piumasaralugulu saqqarmioq kunngikkormiunut tunniunneqassasoq.
Takusinnaasakka malillugit Dannebrog Ridderkorsiuvoq 1.gradiusoq. Kunngikkormiullu ilumoorput oqaramik Saddam Hussein tunineqarnikuunngitsoq, tassami saqqarmioq Christiaat Qulingata nalaaneersuuvoq, taanna 1947-mi toquvoq. Qanoq ililluni Saddam Husseinip pissarsiarisimaneraa oqaatigissallugu nalunarluinnarpoq, ilimanarporli qangali tillitaasimassasoq. Nersornaatit nersornaaserneqarsimasoq toqugaangat utertinneqartaraluarput, unali sorsunnersuulluunniit nalaani qimaasut arlaata pigisimasinnaavaa. Saddam Husseinimi arlaatigut nersorniarneqarsimasuuguni Ridderkorsimik tunineqarnavianngikkaluarpoq, Elefantordenimilli tunineqarsimassagaluarluni, Ridderkorsimi qallunaanut tunniunneqartarpoq, proffesorinut, atorfilinnut nersortarialinut, ullutsinnilu aamma nipilersortartunut tusaamasanut, taakkua ilaat akuttunngitsunik qujaannarlutik naaggaartarput… Saddam Husseinimulli …naamik!Oqaluttuarisaanermut ilisimatooq, Sebastian Olden Jørgensen oqarpoq.