Nersornaat Nikolaj Ludvigsen-imut tunniunneqarpoq
Siornatigut Nanortalimmi borgmesteriusimasoq aamma Atuisut siunnersuisoqatigiiffianni siulittaasuusimasoq Nikolaj Ludvigsen, Nanortalimmi nalliuttorsiorpalaartumik katerisimaartoqarnerani, Naamminersorlutik Oqartussat nersornaasiuttagaanik Nersornaammik sølviusumik ippassaq saqqarmiulerneqarpoq.
Allattoq Elisa Isaksen
apriilip 19-at 2011 09:13
Inatsisartut siulittaasuata Josef Motzfeldtip Nersornaat tunniuppaa, Nikolaj Ludvigsenip piffissami sivisuumi inuiaqatigiinni oqallinnermi pingaaruteqartumik peqataasarnera tunngavilersuutigalugu.
- Politikkimik suliaqarninni illoqarfiup Nanortallip ineriartornissaa qasusuillutit suliniutigiuarsimavat, ilaatigullu oqalliseqataaninni Nanortallip inissisimanera nunap qeqqanut nuuttarnikuullugu, Josef Motzfeldt oqalugiaammini ilaatigut taama oqarpoq, oqalugiaamminilu ilaatigut eqqaallugu, Nikolaj Ludvigsenip napparsimmavimmut scannerimik katersuiniarnermi siuttuusimanera.
