Nerrivimmi arsaararluni nunatsinni pissartanngorniunnerit pisoqarfioqaat
Nerrivimmi arsaarartartut poorskip nalaani pissartanngorniupput. Nerriviit unammiffissat 16-iupput.
Allattoq Peter Troelsen, Simon Uldum
Unammersuarnerit aatsaat aallarteqqammerput poorskillu naggataani aatsaat singlemi, doublemi, meeqqani, inersimasuni iligiikkuutaanilu pisartamik nassaartoqassaaq. Isiginnaagassaqarluarpoq, aamma nerrivimmi arsaararluni timersuutip nunatsinni najugaqarfinni mikinerusuni aamma atugaanera uppernarseqqiinnarneqarpoq. Tamannalu aamma pissutigalugu nunatsinni pissartanngorniunnermut Nuummi Illorsuaq timersortarfimmi poorskimi ingerlanneqartumi peqataasut amerlasuupilussuupput.