Assi: Olga Zimina/Pinngortitaleriffik

Nerpissuut nammineq qaammartartut Nunatta imartaani nassaarineqartut

Ilisimatusartut Nunatta imartaani immikkuullarissumik paasisaqarsimapput. Meterinik 400-nik ititigisumi seqernup qaamarngata angusinnaanngisaani nerpissuut nammineq qaammartartut nassaarisimavaat.

Ilisimatusarnermi angusat ilisimatuunut atuagassiami Proceedings of the Royal Society B-mi saqqummiunneqartut tunngavigalugit nittartagaq Videnskab.dk taama allaaserisaqarpoq.

Københavnip Universitetiata Uumassusilinnik ilisimatusarfiani ilisimatusartut nerpissuunik misissuinermik ingerlatsisuupput. Lektor Anders Garm ima oqarpoq:

- Maannamut naliliinerput naapertorlugu qaammartarnertik imminnut attaveqarniarnerminnut artorpaat, immaqa aamma takutinniarlugu nuliarnissamut piareersimallutik. Attaveqaqatigeeriaaseq taama ittoq immikkuullarissuuvoq, nerpissuullu akornanni atorneqarnera siornatigut ilisimaneqarsimanngilaq.

AAMMA ATUARUK Nunatta imartaani plastikkinik ulikkaartoq

Nerpissuut qanoq iliorlutik namminneq qaammartarnersut ilimatusartut suli paasisimanngilaat. Uumasulli allat namminneq qaammartartut amiminni bakteriat cellelluunniit enzymi laciferaseri atorlugu qaamaneq pilersittarpaat.

Ilisimatuut nerpissuut immikkoortut assigiinngitsut katillugit 13-it ikkattumiittut itisuumiittullu misissorsimavaat. Taakkunannga aqqaneq-marluk itisuupilussuarmi aamma uumasuupput. Tamannalu qaqutigoortuuvoq, uumasummi itisuupilussuarmiittut isigisinnaajunnaakkajuttarmata.

Ilisimatusartut aqqartartoq inuttaqanngitsoq atorlugu Nunatta imartaani nerpissuut nammineq qaammartartut filmiliariniarlugit pilersaaruteqarput.

AAMMA ATUARUK Imartatsinni avatangiisinik illersuinissaq qulakkeerniarneqartoq

 

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat