Neriulluarnarpoq nalunarallarporli
-Tassa manna tikillugu Ammassallup eqqaani nassaarisagut ajunngitsunik nikkelimik akoqarput, tassa amigaatigivarput taamaallaat aatsitassaqarfivimmik nassaassalluta, tassa takusinnaavarput ujaqqanik assigiinngitsunik nikkelit kangussaallu akuusartut taavalu naatsorsuutigivarput immaqa misissuilluariarutta nassaassalluta.
Ole Christiansen Nunamineralsimi pisortaq oqarpoq, nangillunilu:
-Neriuppugut uani misissuinerit pissanganartut aallartereeratsigit ukiuni tulliuttuni suleqatissatsinnik aamma taakkununnga pisinnaassalluta.
Aatsitassarsiornerli aningaasanik amerlasuunik pisariaqartitsikkajuppoq, massakkullu nikkeli qanoq akeqarnersoq Ole Christiansen naggasiivoq:
-Saffiugassat amerlanersaat ulluni makkunani akigissaarput, soorlu nikkelikkut tonsimut 30.000 dollars missaani 25.000 30.000 dollars missaani akeqarpoq.
