Nipilersortartoq, Frederik Elsner unnugu aallakaatitsinnginnermi sungiusarpoq.Assi: KNR, Bibi Nathansen

Neriuffiup siulittaasua katersiniarnerup aallakaatinneqannginnerani: Tapiissutit tamarmik isumaqarput

Neriuffiup siulittaasuata coronap ilungersuatitsinera aningaasanut katersanut sunniuteqarnissaa naatsorsuutigigaa.

Nappaammik kræftemik akiuiniarfik Neriuffik nuna tamakkerlugu anigaasaanik katersuiniarnera unnugu KNR-TV-ikkut toqqqaannartumik aallakaatinneqassaaq.

Neriuffiup siulitaasuata Mette Sofie Jørgensenip coronamik ajornartorsiorneq pissutigalugu katersuiniarneq sunniuteqassangatippaa.

- Corona pissutigalugu aningaasaqarniarnikkut nunatsinni arlaatigut kalluaanikuugami, taamaammallu tuniserusuttut immaqa annikinnerusumik tuniserusunnissaat naatsorsuutigaara nammineerlunga, Mette Sofie Jørgensen oqarpoq.

AAMMA ATUARUK Neriuffik - Katersuiniarneq 2020

Aningaasat siorna katersorneqartut 3.252.133 koruuniupput.

- Aningaasat katersorneqartut kræftemik eqqugaasunut taakkualu ilaqutaannut tapiissutigineqassapput aamma oqaloqatiginnittartunut pikkorissaanikkut, immikkoortortaqarfiit anginerusunngortinneqarnissaannut, ilaqutaasut qanigisaallu tapiiffigineqarnissaannut suliniutit atuagassiat assigissaannillu saqqummersinneqarnissaannut katersorneqartunut atorneqartarput, Mette Sofie Jørgensen oqarpoq.

Nunat avannarliit kræfteqartut kisitsisaataannik katersuiffimi NORDCANimi kisitsit naapertorlugit Kalaallit Nunaanni ukiumut kræfteqalersartut 200-it missaanniittarput ukiumullu toqusartut 110 -it missaaniillutik.

Kræfteqartunut katersuiniarneq pingaaruteqarpoq kræfteqartut qinnuteqartartut amerliartuinnaramik aamma kattuffik katersuiniarnikkut taamaallaat ingerlasinnaammat siulittaasoq oqarpoq.

- Neriuppunga , neriunnerpaarpaajuvugut tamatta, kikkulluunnit qanorluunniit annikitsisunnguamik tapiissasut, tarmarmimmi tapiissutit iluaqutaasussaammata

Neriuffimi siulittaasoq Mette Sofie Jørgensen taama oqarpoq.

Neriuffiup nuna tamakkerlugu aningaasanik katersuiniarnera KNR-TV-ikut toqqaannartumik isiginnaarneqarsinnaavoq unnugu nalunaaqutaq arfineq pingasuniit aqqarngup tungaanut. Maanakkuli ikisisoqarsinnaalereernikuulluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat