Taamaattorli Nunatsinni kræftimut akiuiniaqatigiiffimmi 800.000 koruuninik katersinissamik siunnerfigineqartoq suli aajannangaatsiaq. Aningaasalli taakku ukiup naannginnerani anguneqarsinnaarpasipput. Tassami Neriuffik novembarimi Tele Greenland suleqatigalugu katersuiniaqqissaaq, katersuiniarnermi inuit normumut aalajangersimasumut sianerlutik aningaasanik tunisisinnaassapput.
- Inunnut 91-inut kræftimik nappaatilinnut 3.000 koruunit Neriuffimmit 2009-mi tunniunneqarput, ukioq mannalu inunnut kræftimik nappaatilinnut 99-inut 3.000 koruunit tunniuneqareersut Johanne Olsen, Neriuffimmi siulittaasoq, sermitsiaq.ag-mut oqarpoq.
Aningaasat katersorneqartut kræftimik nappaatilinnut legatitut ilaatigut atorneqassapput. Neriuffimmi aningaasat ilaat kræftimik nappaatit assigiinngitsut pillugit quppersakkanut, kiisalu inunnut oqaloqatiginnittartunut, kræftimillu nappaatillit ilaqutaannut aamma atorneqassapput.