Neriuffik: Iviangit atatiinnarneqarsinnaanerat periarfissanngorli
Nuummi Neriuffiit Kattuffiata siulittaasua, Johanne Olsen isumaqarpoq, arnap nammineq qanoq suliarineqassanerluni aaliangersinnaanera pingaaruteqartoq.
-Iviangikkut kræfteqalernermi Kalaallit nunaanit periarfissat annikitsunnguupput, taamaallaat Dronning Ingrid-ip napparsimavissuani suliaritinnermi iviangik peerneqarsinnaavoq, nalunngilarpulli periarfissaasinnaassagaluartoq aamma iviangiup kræfteqarfia kisiat peerlugu, taavalu iviangik pigiinnarlugu inooqqissinnaaneq periarfissaalluni, kisianni taanna kingulleq neqeroorutigineqarsinnaanngilaq maani nunatsinni, Johanne Olsen. Taanna oqaluttuaqqquneqarami, qanoq arnamut misigissutikkut isumaqartarnersoq, iviangik kræfteqalersimasoq suliarineqarluni peerneqaraangat qanoq misigineqartarnersoq ima oqarpoq.
- iviangik arnaassutsimut attuumassuteqarpoq, taavalu iviangik peerneqarnerani misigissutsit attorneqartartorujussuupput taannalu misigissuseq ukiorparujussuarni atasinnaavoq, taamaattumik pingaartutut isigaarput, arnaq nammineq, nammineq aaliangiisinnaassasoq, taakkua periarfissat marluk akornanni qanoq ingerlariaqqissinnaassoq, Johanne Olsen oqarpoq.
Peqqinnissakkut nakkutilliisoqarfimmit iviangikkut kræfteqarlersimasut pillugit kisitsisaataat kingulliit 2003-meersuupput, tassani arnat 12-t iviangimikkut kræfteqalersimasutut nalunaarutigineqarsimagamik
