Neriuffik aningaasanik katersuiniarnini iluatsilluassangatippaa

Aningaasanik katersuineq bingortitsinernik eqquniaasitsinernik, angerlarsimaffiillu tulleriaarlugit kasuttorfigisarlugit aningaasannanniarfigineqarput. Aningaasanik katersineq ukiormanna iluatsinnerujumaartoq kræfte akiorniarlugu kattuffiup, Neriuffiit Kattuffiata siulitaasuata Johanne Olsenip naatsersuutigaa. Siorna 85.000 koruunit katersorneqarsimapput, ukiormannalu 150.000 koruunit katsersorneqarnissaat naatsersuutigalugit. Aningaasannanniarmi katerseqataaniarlutik nalunaartut amerlaneruneri aningaasannannerunissamut patsisigineqanngilaq. Siorna aningaasanik katersisut 20-iupput, aamma ukiormanna taamatut amerlatigipput. Eqqorniagassat lodsedlit tunineqartut amerlaneri aningaasannannerunissamut patsisigineqarput, ippassarlu immikkut bingortitsisoqarsimanera. Aningaasat katersorneqartut nappaamik kræfte-mik eqqorneqarsimasut aningaasateqarfiannut tunniunneqassapput, Neriuffiullu siulitaasuata Johanne Olsen-ip neriuutigaa meeqqat kræftemik nappaateqartut aningaasateqarfiannut aamma aningaasaliisoqarumaartoq.