Neriuffik aningaasanik katersinermi 100.000 koruunit qaangerlugit katersisoqarsimanissaa neriuutigaa

Naatsersuutigineqarpoq aningaasat 100.000 korunit tikillugit katersorneqarumaartut. Eqquiniaasitsilluni tuniniakkat tunineqarluarsimapput. Neriuffiup siulitaasuata Johanne Olsen-ip Nuummi aningaasanik katersuinermi peqataasut amerlasimanerarpai.

Nuup illoqarfiata ilai katersuiniarnermi ilannguneqarsimanngikkaluartut, Johanne Olsen-ip katersuiniarnermi aatsaat taamak aningaasannassimatiginissartik naatsersuutigaa, neriuutigalugulu 100.000 koruunit qaangerneqarumartut. Aningaasat katersorneqartut kræfte-mik nappaateqartunut atorneqartussaapput. Nappaammik kræftemik nappaateqartut 50-it missaanniittut ukiumut Neriuffimmit tapiiffigineqartarput. Kræfte pillugu paasissutissat qallunaatut allatat kalaallisut nutserlugit saqqummersinneqarnissaanut aningaasat atorneqartussaasut, Johanne Olsen-ip ilanngullugu oqaatigaa.

Nuna tamakkerlugu katersuiniarnermi katersat qanoq amerlatiginersut aqagu aqaguaguluunniit qulakkerlugit paasineqassapput.