Nerisavut akoorutissanik ulikkaarput
Nerisassarpassuit akoorutissanik ulikkaarput, navianarsinnaanerallu aarleqqutigineqarpoq.
Nerisassanik assigiinngitsunik 27-inik Europami nunani arfineq-marlunni misissorneqarpoq, tamarmillu akoorutissanik akoqartut paasineqarpoq.
Pinngortitaq pillugu nunarsuaq tamakkerlugu suliniaqatigiiffiup qullersaa danskeq Kim Carstensen, tupaallassimaqaaq:
- Naatitat, neqit, iffiat tamarmik akoqarput, ilami suut tamatmik akoqarput, tamannalu akuersaarnanngilluinnarpoq.
Akoorutissat timitsinnut qanoq sunniuteqarsinnaanersut, pinngortitamullu sunniisinnaassusiat ilisimaneqanngillat.
Akoorutissalerinermut inatsisip ersarinnerulernissaa ujartorneqarpoq, Kim Carstenseni oqarpoq ernummassutissaqartugut uivernersuaqartariaqanngitsorli:
- Akoorutissat sapigaqalersitsisarnersut kræfteqalersarnersulluunniit ilisimanngilarput, taamaattumik inatsisit akoorutissalerinermut tunngasut ersarinnerulertariaqarput..