Assi: Kommuneqarfik Sermersooq

Nerisat sinnikui nunagissaatitut atorneqarniarutut

Ittoqqortoormiit illoqarfiani eqqaaviit assigiinngitsut innutaasunit atorneqartussat sumiiffinnut arlalinnut iliorarneqarnissaat sulissutigineqaleruttorput.

Eqqagassat inuussutissaneersut soorlu nerisat sinnikuisa eqqaavissaat 19-it illup silataanut qajananarsorlugit palitsit atorlugit ikkussorneqassapput.

- Tassa massakkut makoriap aallartippai , sapaatip akunnera una. Kisianni tamanna eqqarsaat siornali pilersaarutaasimavoq, neriuppunga upernaaru maajip ingerlanerani tamarmik ikkussorneqarsimassasut.

Kommuneqarfik Sermersuumi Ittoqqortoormii immikkoortortaqarfiani ingenøri, Kristian Hammeken taama oqarpoq imalu nangilluni:

- Taakku aamma nerisassat sinnikui atoqqissinnaagatsigi. Tassa siunissami eqqarsaataavoq taakku igiinnarnagit aamma allatut atorsinnaasut. Nunagissaatitut immaqaluunniit qimmit nerisassaattut atoqqillugit.

Ittoqqortoormiini eqqakkanik immikkoortiteriaatsimik 2019-imi allannguisoqarpoq. Tassa eqqakkat ikuallassaarlugit naqiterlugit umiarsuakkut nassiunneqartalerput.

Taamaaliornikkut avatangiisinut mingutsitsinngitsumik allami kiassarnermut atorneqarsinnaanngorlugit isumagineqarsinnaanngortarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat