Nerisassiornermut nersornaatisissanerluni ualeru paasissavaa

Narsami Inuussutissalerinermut ilinniarfiup pisortaata, Esben Toftdahlip ualeru paasissavaa, Nunat Avannarliit siunnersuisoqatigiivisa nerisassiornermut nersornaasiuttagaanik nersornaaserneqassanerluni.
oktobarip 12-at 2007 12:34

Suliniutitut aallartinneqartup ”Ny nordisk mad”-ip siunertaraa, pisariunngitsunik, peqqinnartunik mamartunillu nunani avannarlerneersunik nerisassioriaatsinik siuarsaanissaq.

Esben Toftdahl Nanortalimmi akunnittarfiup Klamerip igaffiani 1980-imi ittunngorpoq, sakinilu palasi Amandus Petrussen aqqutigalugu kalaallit nerisassaataannik soqutiginnilersimasoq, Sermitsiaq. gl allaaserisaqarpoq.

INUILI-mi kalaallit nerisassaataat atorlugit nerisassiornermut ilinniartitsisarnera taqqavani igasunngortartunit sineriammut siaruarneqarpoq alutorsaatigineqaqisumik. Kalaallit Nunaanni igasut 2000-miilli ukiut tamaasa pissartanngorniuttalernerannut Esben Toftdahlip aamma aallarniisuuvoq.

Igasunut nersornaat 100 tusind koruuninik aningaasartaqartussaq, norskit nunalerinermut ministeriannit Terje Riis-Johansenimit tunniunneqassaaq Oslomi oktobarip ulluisa 30-anni.