Nerisassiornermut najoqqutassat juullilerpat saqqummersinneqassapput
Sermersuumi innuttaasuniit nerisassiornermut najoqqutassat pitsaanerpaat qulit, tamarmik kalaallit nerisassaataannik aallaaveqartut, katersornissaat isumassarsiaavoq.
Nerisassiornermik najoqqutassat pillugit unammisitsineq, quppersagaaqqamik, maanna nutserneqartumik, naammassigunilu naqinneqartussamik, saqqummiinermik kinguneqassaaq, tamatumalu kingorna Kalaaliaqqami atuisunut akikitsunnguanngorlugu tuniniarneqassalluni.
Nerisassiornermik najoqqutassiornissamik isumassarsiap, kalaallit nerisassaataasa allatut atorneqarsinnaanerannik pisisartunut isumassarsiorfigitinnissaat siunertaavoq.
Tamaaliortoqarneralumi iluatsissimasoq Kommuneqarfik Sermersuumi Ineriartortitsinermut Immikkoortortaqarfik isumaqarpoq. Nerisassiornermi najoqqutassat takkussuussimasut pillugit kommunip nittartagaaniit qutsavigineqarput, juullertinnagulu nerisassiornermut najoqqutassat pillugit innuttaasunut mappersagaaqqamik neqerooruteqarnissaq qilanaarineqarpoq.
