Nerisassat puallarnartut taqqanik qalippertitsisarput

Danskit nalaasaarfimmut ingillutik pujortaraangamik, imerlutik puallarnartunillu nerillutik, timip atugarissaarnissaa navianartorsiortiinnarneq ajorpaat.

Tassami burgerit illinnarsaarluakkat pomfritsillu sikattut taqqanik qalippersitsisarput, qarasarlu pillugu ilisimatusarnerit nutaat ersersippaat, qaratsami taqqatigut qalippertoornerit isumatsannermik pilersitsisartut.

- Assersuutigalugu, timip kolesterolitaata appartinneratigut, peqqinnartunillu nerilluartalernikkut, isumaqarpugut, isumatsannissaq pinaveersimatinneqarsinnaasoq, Rikke Dalby, Center for Psykiatrisk Grundforskningimi ilisimatuussutsikkut misissuisoq oqaluttuarpoq.

Taassuma erseqqissarpaa isumatsannermut patsisaasartut allarpassuusinnaasarmata, taamaattorli peqqinnanngitsumik inooriaaseqarneq, isumatsannerup pinaveersimatinnissaanut iluaqutaanngilluinnartuusoq.

Rikke Dalby aamma isumaqarpoq danskit isumagissaarnertik pigiinnarniarlugu namminneerlutik iliuuseqarsinnaasut.

Oqariartuutigineqarporlu:

- Pujortartarunnaarit. Peqqinnartunik nerisaqarit timersornerulerlutillu.