Nerisassat peqqinnanngitsut mianersoqqussutigai

Naatsiiat panertut, imeruersaatit sodavandit nerisassiallu ineriikkat. Nerisassanik nutaanik nerisaqarnerulerneq, Illoqqortoormiuni nakorsaanermut taartaasup, Sven Refslund Poulsenip, mianersoqqussutigaa.
aggustip 23-at 2010 10:50

- Kalaallit siornatigut nerisartagaat ajunngilluinnartuupput, puisitortarput nutaanillu aalisagartortarlutik. Nerisassat ineriikkat Danmarkimeersut ullumikkut nerineqarnerupput, aammalu sukkulittortorujussuupput. Inuiaqatigiit kalaallit nerisaat ajorneruleqaat, tamannalu maanna malunniuppoq, Sven Refslund Poulsen, aviisimut ullormut saqqummersartumut Politikenimut oqarpoq.

Sven Refslund Poulsen 71-inik ukioqarpoq, Nuummi Tasiilamilu nakorsatut siusinnerusukkut sulisimalluni. Tunumi nakorsatut sulissagaanni misilittagaqarnissaq pingaaruteqarpoq,taamaammat nakorsanngorlaat Tunumut qinnuteqarnissaat mianersoqqussutigaa:

- Kalaallit akornanni ukiut 40-t matuma siorna sukkortoqaranilu uummatip taqarsuisigut napparsimasoqarneq ajorpoq. Tamannali maanna allannguuteqarujussuarpoq. Danmarkimiilluunniit immaqa ajornerulerpoq. Nappaatit kingornuttagaanerat pineqanngilaq, avatangiisilli pinbeqarput. Nunarsuarmi allami taama pujortartigisoqaranilu imigassartortigisoqanngilaq, taamaallaat Kalaallit Nunaanni, Sven Refslund Poulsen aviisimut Politikenimut oqaluttuarpoq.