Nerisassat
Maniitsumi aalisakkanik tunisassiornermik ilinniarfik ATI, Danmarkimilu teknikkimut ilisimatusarfik suleqatigiillutik aalisakkanik tunisassiornermi eqqaanarneqartartut tunisassiarineqalersinnaanerat misissuiffigilerpaat.
Tassani nerisassiornermi tunisassiornerulernissaq anguniarneqarpoq. Soorlu suannik allanillu aalisakkat perlukuinik massakkut eqqaanarneqartartunik tunisassiorsinnaalernissaq misissorneqartussaavoq, ilaatigut suliffissatigut iluaqutiginiarneqarsinnaaneri misissorneqassallutik.
Soorlu raajat qalipakui massakkut eqqaanarneqartartut assigiingitusnut atorluarneqarsinnaanersut sukumiisumik misissorneqartussaavoq, soorlu qallersuutinut qalipaatitut, uumasunulluuniit nerisassiaralugit Aalisakkanik tunisassiornermik iliniarfimmi inspektør Ole Lennerth Poulsen oqarpoq.
Aalisakkanik tunisassiornermik ilinniarfimmi inspektør Ole Lennerth Poulsen taamak oqarpoq. Aalisakkanik tunisassiornermik ilinniarfiup Danmarkimilu teknikkimut ilisimatusarfiup suleqatigiillutik aamma misissussavaat aalisakkat assigiingitsut massakkut tunisassiarineqanngitsut qanoq iliornikkut iluaqutiginiarneqalersinnaaneri.
Aalisakkat tunisassiarineqartut affaat massakkut iluaqutigineqarput, iluaqutigineqarnerallu 60.procentimut qaffassinnaapat tamanna aningaasarsiornermut iluaqutaasaqisoq aamma oqaatigineqarpoq.
