Neqi A/S siuariartorfiusoq
Narsami Neqi A/S-imut ukioq manna tunisassiorneq septembarip qiteqqunnerani aallartittoq maanna naammassisoq, Neqi A/S-ip tusagassiuutinut nalunaarutigaa, tunisassiornerlu siornamut naleqqiullugu ingerlalluarnerusoq kisitsisit takutippaat.
Allattoq Jonas Fievé
novembarip 14-at 2017 07:43
Nutserisoq Mads Lynge
Savaaqqanik savanillu tunisassiorneq ukiut pingasut ingerlanerini ukioq manna qaffasinnerpaaffimminiittoq, ukioq mannalu kiilumikkut ukiunut siullernut marlunnut sanilliullugit annertunerusut, suliffeqarfiup nalunaarutigaa.
Savaaqqat 18.818-it Neqi A/S-imut ukioq manna tunineqarput, siornamut naleqqiullugu 1360-inik amerlanerullutik.
AAMMA ATUARUK Savat neqaannut naatsiianullu akit isumaqatigiissutigineqartut
Savat ukioq manna tunineqartut siornamut naleqqiullugit aamma amerlanerusimapput. Ukioq mannami tunineqartut katillutik 1758-iupput, siornamut naleqqiullugu 575-inik amerlanerullutik.
Nersussuit tunineqartut aamma amerlerialaarsimapput, siorna 23-usimariarlutik ukioq manna 41-mmata.
