Nepalimi pissaaneqarniupput
Naalagaaffimmi qaqqartuumi Nepalimi partiit assigiinngitsut Nepalillu kunngia pissaaneqarniutilerput. Innuttaasut aneqqusaajunnaaraluartut partiit inunnik amerlasuunik katersortitsisinnaanertik neriuutigaat.
Nepalip kunngiata partiit naalakkersuisunngortitseqqullugit tallimanngormat neqeroorutaa soorluuna upperineqarpallaanngitsoq.
Partiimmi inuinnaat Nepalimi aqutsilernissaat, kunngip pissaaneqarunnaarnissaa, pikitsitsisullu Maop mumisitsinissamik ilitsersuutai tunngavigalugit akiuuttunik suleqateqalernissaq piumasaraat.
Nepalimi najussimanartorsiortoqarpoq, illoqarfimmilu pingaarnersami Kathmandumi kunngiusoq imminut tikitsaaliorsimavoq, oqarasuaatit angallattakkat attaveqaataat matuneqarsimavoq, inuinnaat akerliunerminnik takutitsiniat imminnut attaveqaqatigeeqqunagit.
Sapaatip akunnerini pingasunngortuni Nepalimi suut tamarmik unittuuseqqapput, atuarfiit, ilinniarfiit allaffiit – suut tamarmik matuneqarsimapput.
Nepalimi sakkutuut, mianersortumik kunngimik tapersersuisut, politiillu upalungaarsimapput; akerliussutsiminnik takutitsiniat kunngip mattusimaffia qaninnguulerpassuk illersorniarlugu.
