Nepal kunngitsuunngorfinngussaaq

Naalagaaffiup Nepalip kunngiitsunngornissaa isumaqatigiissutigineqarpoq. Pikititsiniaasartuusimasut Maoistit Nepal-illu naalakkersuisui isumaqatigiipput ukiuni hundredelikkaani kunngeqarfiusimasoq Nepal kunngiitsoqarfinngussasoq
Allattoq Jaaku Lyberth
decembarip 23-at 2007 16:44

Isumaqatigiissut aappaagu atuutilissaaq, tamannalu pivoq pikititsiniat Maoistit qanittumi sakkulersorunnaanerisa kingorna, septemberillu qaammataani naalakkersuisunit tunuarmata.

Taakkua piumasaraaq naalagaaffik Nepal piaarnerpaamik kunngeqarfiunera atorunnaarsinneqassasoq, kunngiitsunngortinneqarneralu suaarutigineqassasoq.

Nunami inatsisit tunngaviusut qinersinermilu inatsisip nutarterneqarnissaanut sulineq ingerlariaqqittussanngorpoq. Nepalimi kingullermik qinersisoqarpoq ukioq 1999 aatsaallu aappaagu qinersisoqaqqissaaq.

Nepalip kunngiata Kong Gyanendrasip ukioq 2005imi Nepalimi naalakkersuisut pissaanerannik tigusinerata kingorna tusamasaanera annikillivoq. Oqartussaaaqataanerup atuutileqqinneqarnissaa anguniarlugu akerliussutsimik takutitsinerit annertuut siorna ingerlanneqareersullu Kunngiunerminik tunuarniutini nalunaarutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq