Nepal kunngiitsuuffinngorpoq
Nepalimiorpassuit ullaarnganiit Nepalip ullumi kunngiitsuuffinngornera persuarsiutigilerpaat.
Nepalip ukiuni 239-ni kunnginit kinguaariinnit aqunneqarnera ullumimut killeqarpoq. Kunngi, Kyanendra dronning Komalilu pigisaminnik poortuinissaminnut, ilussaarsuullu qimannissanut ullunik 15-nik periarfissinneqarput.
Nepalimi kunngip isigineqarnera 2001-imi allangorujussuarpoq. Taamani kunngissap Stipendrap kamalluni paatsiveerunnermigut ataatani, kunngiulluartutut nuannarineqaqisoq, anaanani allallu qanittumik ilaquttani aallaallugit toqorariarlugit imminut aallaavoq.
Tamatuma kingorna kunngip nukaa kunnginngortinneqaraluarpoq, ukiorli ataaseq qaangiutiinnartoq naalakkersuisut isumaqatigiunnaarpai, atorunnaarteriarlugillu sukannersumik aqutsinialeraluarluni.
Taamanikkulli akerliussutsimik takutitsisoqartuarlunilu pikitsitsisoqartuarpoq, ukiorlu manna qinersinikkut inatsisartut 575-it qinerneqarlutik.
Taakkua amerlanersaat kunngiitsuuniartuupput, ippassarlu nunap inatsisartuisut atuutsinneqaleramik ullumi nuna kunngiitsuuffinngortippaat. Taxartartoq oqarpoq kunngiujunnaarsinneqarmat qujaannarluni, innuttaminummi ajunngitsuliornikuunngimmat imminuinnarlu eqqarsaatiginikuulluni.
