Nazistit erinarsuutaannik erinarsornermi kingorna tunuartoq

Danmark-imi partiimi Dansk Folkepartiimi ilaasortaq Morten Messerschmidt ualimut nalunaarpoq, partiimi ilaasortaaffigisaminit tunuarluni, attaaviitsutullu folketingimi ilaasortatut ingerlaqqilluni, Ritzau taamatut allappoq. Messerschmidt ulluni kingullerni aviisimi B.T-mi allaaserineqaqqattaarpoq, Tivoli-mi nuannataartsilluni nazistit erinarsuutaannik erinarsorsimaneragaalluni nazistsinillu nersorinnissimaneragaalluni. - Tivolimiinninni aalakoorsimavunga pissusilussimallungalu nazistinulli nersorinninniarsimangilanga nazistsillu erinarsuutaannik erinarsorsimananga, Morten Messerschmidt nutaarsiassaqartitsivimmut Ritzau-imut oqarsimavoq. Inuttut pissusilersorsimanera Dansk Folkepartiimut ajoqusiisimavoq, partiimillu tunuarnerminut tamanna tunngavilersuutigisimavaa. Partiip siulittaasuata Pia Kjærsgård-ip Messerschmidtip partiimit tunuarnera iluaralugu tikilluaqquaa.