Eqqartuussisup oqarnernera naapertorlugu ilaatigut jakkit kamippaallu qorsummik qalipaatitallit aamma qalipaasiut qalipaatip sinneranik akulik unnerluussaasuni nassaarineqarput.Assi: Bo Amstrup/Ritzau Scanpix

Nazistinut nutaanut ilaasortaasoq nuimasoq juutit iliveqarfianni aserorterisimasutut tigusaasoq

Angutit marluk Randersimi juutit iliveqarfiannik innarlisaarisimasutut unnerluutigineqartut parnaarussivimmi sapaatip akunnerini sisamani tigummigallagassanngortinneqarput.

Ilerrit ujarattaat 84-t unnuakkut 9. aamma 10. novembarip akornanni qalipaammik kuineqarsimapput, arlallillu uppitinneqarsimallutik.

Suliami angutit marluk tigusarineqarput, ullumilu Randersip eqqartuussiviani inatsisit tunngaviusut naapertorlugit killisiorneqarlutik. Sapaatip akunnerini sisamani paarigallagassanngortinneqarput. 

Inatsisit tunngaviusut naapertorlugit misissuinerup ingerlateqqinnissaa pequtigalugu killisiuineq matoqqasumik ingerlanneqarpoq. Aalajangiinerulli saqqummiunneqarneratigut unnerluussutip sumik tunngaveqarnera eqqartuussisup ersersilaarpaa.

Eqqartuussisoq naapertorlugu ilaatigut jakkit kamippaallu qorsummik qalipaatitallit aamma qalipaasiut qalipaatip sinneranik akulik unnerluussasuni nassaarineqarput.

- Unnerluussutaasuni pisuutinneqarnissaat tunngaveqartumik ilimagineqarpoq, eqqartuussisoq  Marianne Sonne oqarpoq.

Qalipaat pillugu sms-it

Taakku saniatigut eqqartuussisup angutit taakku marluk akornanni qalipaatit pillugit sms-eqatigiinnerit pingaartippai. 

Eqqartuussisoq isumaqarpoq angutit taakku iperagaagaluarunik suliap paasineqarnissaanik akornusersuissasut.

- Iperagaasimatillutik isumaqatigisamik kalerrisaarnerisigut suliap ingerlateqqinnissaanik ajornarnerulersitsinissaat tunngaveqartumik aarleigineqarsinnaavoq, oqarpoq.

Kiisalu eqqartuussisup pingaartippaa angutit taakku marluk ingasattumik aserorterisimasutut ukiut arfinillit tikillugit parnaarussaassutaasinnaasumi unnerluunneqarmata.

- Manna mikisualuttut nalilerneqarsinnaangilaq, Marianne Sonne oqarpoq.

Angutit taakku marluk juutit iliveqarfianni aserorterisimasutut unnerluussummut pinngitsuunerarput.

Unnerluussaasut aappaat suliniaqatigiiffimmi Den Nordiske Modstandsbevægelse-mi (Nunat Avannarliit Akiuunnikkut Suleqatigiiffianni), nutaamik nazistiusumi, immikkoortoqarfimmi pisortaavoq. Siusinnerusukkut Randersimi iliveqarfimmi aserorterisimaneq nersualaarlugu TV2 Østjylland-imut  oqaaseqarpoq.

Unnerluussaasut tamarmik parnaarunneqarnertik landsretimut ingerlateqqippaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat