Nazistinik ujarneqarnik allattuivimmik saqqummersitsoq
Allattuiffimmi siullerpaatut allassimavoq, taamanikkut SS-it nakorsaat Aribert Heim, tigusanut juutinut inissiivimmi Mauthausenimi tigusanik amiilaarnartumik toqutsinernik misileraasarsimasoq. Taassuma suli uumanissaa ilimagineqarpoq Amerikamilu Kujallermiinnissaa naatsorsuutigineqarluni.
Allattukkani siullermut tulliuvoq, Ukrainimi inunngorsimasoq ”Ivan peqqarniitsorsuaq” Treblinkami juutinut tigusanut nakkutilliisuusimasoq.
Danmarkimi inunngortoq Søren Kam nazistini sorsunnersuarmi kingullermi ajortuliorsimasuni ujaarineqartuni pingaarnerpaani quliusunit normu 5-itut allanneqarsimavoq. Taamanikkut SS-iusup taassuma, maanna 86-inik ukiullip, Bayernimit tunniunneqarnissaa Danmarkip piumasarigaluarpaa, tamannali Tyskit oqartussaasuinit itigartinneqarpoq.