Navianaatillit naamaneqarsinnaapput

Inuk navianartumik misigisaqaleraangami navianaatilinnut naamasinnaasoq ilisimatuut paasisimagaat, ilisimatuut aviisianni Science-mi allaaserineqarsimasoq aviisip Politikenip issuaavigaa.

Misissuinermi inuit aqqaneq-marluk naamasaataat misileraatigineqarput taakku tipit assigiinngitsut marluk naamasussaasimavaat ilumut assigiinngitsumik naamaneraat paasilluarniarlugu, tipilli tikkisa assigiinngissutaat tamarmik assigiimmik naamasimavaat.

Tipilli aappaa naamasussanngoraangamikku tamarmik qisuariartarsimapput.

Inuit taakku qarasaat scannerlugit misissorneqarnerisa uppernarserpaat tipip aappaata allaanerunera naamasussannguleraangamikku qaratsap affaa allannguuteqartarsimasoq.

Ilisimatuut Amerikamiut tamatuminnga paasiniaasut erseqqissaapput inuit siulliit aamma assingusumik pisoqartillugu assingusumik aamma qisuariaateqartarsimasut tassa nersutit navianaatillit takkuttussanngortillugit qarasaata affaat allanngoriartarsimaapput.

Inuup sorluuisa nalunaartarpaat nersut navianarsinnaasoq takkutilermat inuk sillimasariaqartoq.

- Uumaniarnissarput pillugu qaratsatsinni malussarissuseq piareertarpoq, taassuma piareersimatittarpaatigut sumik arlaannik navianartorsiortussanngoraangatta, Chicagomi universitetimi ilisimatooq Wen Li taama issuarneqarpoq.