Navalnyj-p suliniaqatigiiffia ingasaassiniartutut Ruslandimi oqartussanit nalilerneqarsimavoq.Assi: Evgenia Novozhenina/Reuters/Ritzau Scanpix

Navalnyj-p Putin illuatungilerniarlugu allattoqarfiutini ammaqqinniarai

Russit naalakkersuisuinut illuatungilittup, Aleksej Navalnyj-p, Ruslandimi allattoqarfiutini ammaqqinniarpai.

Vladimir Putinimik isornartorsiuisup politikkikkullu illuatungiliuttup maannalu parnaarussaaqqasup, Aleksej Navalnyj-p, Ruslandimi allattoqarfiutini maanna ammaqqinniarai, suliniaqatigiiffiata FBK-p marlunngornermi ilisimatitsissutigaa.

Sakkutuunik amerlanerusunik Ukrainemi sorsunnissamut Putinip piareersimatitaqarnera illuatungilerniarlugu Navalnyj taama eqqarsaatersuuteqarpoq.

Navalnyj-p qanimut suleqataa Ivan Zjdanov taama ilisimatitsivoq.

AAMMA ATUARUK Navalnyj pisinnaatitaaffinnik innarliisimasutut Ruslandimi naalakkersuisunit unnerluutigineqartoq

Ruslandimi naalakkersuisunut illuatungiliuttut tatineqalerutttorfianni taama nalunaaruteqartoqarpoq. Russit sakkutuui Ukrainemut isaatinneqarmatali, Putinimut illuatungiliuttut amerlanerit nuimasut parnaarussaasimanngikkunik nunagisaminnit qimaasimapput.

Navalnyj-p suliniaqatigiiffia ingasaassiniartutut Ruslandimi oqartussanit nalilerneqarsimavoq.

Suliniaqatigiiffiup sulisui namminerlu kajumissutsiminnik sulisui Ruslandimi oqartussanit qaammatini kingullerni aamma tatineqaleraluttuinnarsimapput eqqartuussivilersuunneqaratarsinnaallutillu.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl