Ruslandimi naturgasseqarfiusumi Shtokmanimi ilimagisamit annertunerusumik naturgasseqartoq oqaatigineqarpoq.
Manna tikillugu isumaqartoqaraluarpoq taavani gasseqarfiusumi 3,7 trillioner kubikmeterimik annertutigisumik naturgasseqartoq. Paasisalli kingulliit takutippaat gassi 4 trillioner kubikmeterisut annertussuseqartoq.
Amerikamiut Europamiullu naturgasseqarnermut piginneqataarusussimagaluarput russilli siuttuata Putinip tamanna itigartitsissutigisimavaa. Taassuma gasseqarfissaarsuaq taanna russinit taamaallaat pigineqarnissaa kissaatigisimammagu.