Natop Issittumi sillimaniarneq pitsanngorsarniarlugu Arctic Sentry aallartikkaa
Natop Arctic Sentry, sungiusarnikkut alapernaarsuinikkullu Issittumi sillimaniarnermik pitsanngorsaasussaq aallartippaa. Nato tusagassiuutinut nalunaarummi paasissutissiivoq.
USA-p præsidentiata Donald Trumpip Kalaallit Nunaannik piginnilerniarluni piumasaqarluni ilungersunartorsiortitsingaatsiareersorlu aalajangerneq pivoq.
Sakkutuunik nutaamik inissiinermi Kalaallit Nunaat kisimi sammineqanngilaq, Natolliuna sakkutuunik Issittoq tamakkerlugu sakkutooqartitsineq pillugu ataqatigiissaarineq suliarileraa.
Tamanna USA-p tapersersuineratigut pivoq, taamaalillunilu Trumpip Isittup isumannaatsuunissaanut ernumassutaanut iliuuseqarnertut isigineqarsinnaalluni.
Natop Supreme Allied Commander Europe, generalia Alexus G. Grynkewich Amerikamiut sakkutuut timmisartortartuineersoq aalajangiineq pillugu oqarpoq:
- Iligiit ilaasortaminnik illersuinissaminnut aamma sumiiffinni avatangiisitigut mianerisassaasut ilaanik allanngujuissusermik attassiinnarnissamut pisussaatitaasut, Arctic Sentry erseqqissaasoq, Alexus G. Grynkewich tusagassiuutinut nalunaarummi oqarpoq.
Taamaaliornikkut Natop Issittumi atuuffeqarnerulernissamik danskit kissaatigingaagaat piviusunngorpoq.
Natop sumiiffimmi suliaqarnerni ataqatigiissaarineq suliarilerniariarpagu, sungiusarnerit alapernaarsuinerillu nunanut sumiiffinnut piffissanillu agguataarinissaannut pitsanngoriaataassapput.
Natop atuuffeqarnerulernerani, Natomi nunat annerit soorlu Frankrig Tysklandilu sulianut peqataanerulersissinnaassagaat naatsorsuutigineqarportaaq.
USA-p qanoq peqataatiginissaa suli nalorninarpoq, kisianni aalajangerneq Amerikamiut akuersaarnerannit pivoq.
Suliniutip ingerlaavartuunissaa aamma naatsorsuutigineqarpoq, tamannalu Danmarkip nukingisaarutigisaraa.
Siunissaq ungasinnerusoq eqqarsaatigalugu, Nato Issittumi sakkutooqarnerulerneranik kinguneqassaaq.
USA-mut ilorrisimaarutaasinnaasunngorlugu, sumiiffimmi timmisartut alapernaarsuutit, umiarsuit aqqartartullu Natomit amerlineqarsinnaassapput.
Nunarpaaluit Issittumut attuumassutillit soorlu Danmark, Norge, Finland Canadalu sumiiffimmi sakkussiornerulereerput.
Tamanna pingaartumik nakkutilliinernut akiuunnernullu atugassanik, Issittumi sakkutooqarnerulerneranik sakkussiaqarnerulerneranillu kinguneqassaaq.
Tamanna Russit Issittumiinnerulernerisa aamma Kinamiut soqutigineqarnerulernermut imminnut “naalagaaffik Issittup qanittuaniittutut” taagortut akerlilerniarlugit pivoq.
Arctic Sentry Joint Force Command Norfolkimit (JFC Norfolk) siulersorneqassaaq. Taanna akisussaaffeqarfiit decembarimiit maanna nunap ilaa tamakkerlugu, Natop sakkutuut immikkut suliassitaasa ataatsimut nutaanerpaartaraat.
- NATO-p ataatsimoorluni sakkutuunik aqutsisoqarfianut tunngatillugu Norfolk tassaavoq Amerika Avannarlerup Europallu akornanni atassuteqaat, nunavissuit marluk akorngi allarpassuillu ingerlariutsimik periarfissiornerit illersussallugit, Alexus G. Grynkewich oqarpoq.
/ritzau/
