Natascha Kampusch-ip arnaa eqqartuunneqalerpoq

Allattoq Mads Lynge
juunip 20-at 2007 15:20

Siorna pinerluttulerinermi suliani eqqartorneqarnerpaajugunartoq tassaavoq Natascha Kampusch meeraalluni Østrigimi aqqusiniinnarme aallarunneqarsimasoq arfineq-pingasunillu ukioqarluni naqqup ataani tiguagaasimareerluni siorna takkuteriataarmat.

Aallarussineq Natascha Kampuschillu qimaanera nunarsuarmi tamarmi tusagassiuutit allaaserisaanni pingaarnersaasarsimavoq, maannalu suliaq aammattaaq eqqartuussisulersuussinermik kinguneqartumik nanginneqarluni.

Natascha Kampuschimmi arnaa eqqartuunneqassaaq tamatumani anaanaasup panini kinguaassiuutitigut atornerluttarsimaneraa kiisalu aallarussinermut peqataasimasinnaanera naqqa tikillugu misissorneqassalluni. Aviisi Jyllands-Posten taama allappoq.

- Malersorneqartutut misigisimavunga. Qanimut pitsaasumik atassuteqarpugut. Maanna nalinginnaasumik inuulluta misilissavarput, arlaanilli tamatumunnga akornutaasumik takkuttoqartuarpoq, anaanaasoq Brigitta Sirny oqarpoq.

Anaanaasumut pasilliinerit paasinarsereerput, Natascha Kampusch tammaqqagallarmalli, maannali Østrigimi eqqartuussisut suliaq aallarteqqippat.