Natascha Kampusch eqqissisimatinneqarusuppoq

Arnaq inuusuttunnguaq 18-inik ukiulik, Østrigemiu, Natascha Kampusch, qulinik ukioqarluni atuariartortilluni aallarussaasoq, ukiullu arfineq pingasut naqqup ataani mattussimaneqareerluni qimaasinnaasimasoq, eqqissisimatinneqarusuppoq. Natascha Kampusch-ip mattussimaneqarsimanermini misigisani oqaluttuariumanngilai.

- Kikkut tamarmik apeqqutinik paquminartunik apeqquteqarfigisarpaannga, misigisakkali allat susassarinngilaat. Oqaloqatiginnittaleruma misigisimasakka immaqa oqaluttuarisinnaassavakka, immaqaluunniit oqaluttuarinngisaannarsinnaavakka. Tarnit nakorsaat Max Friedrich, tusagassiortunik Wienimi katersortitsinermi, Natascha Kampuschip allagaanit taama issuaavoq. Max Friedrich erseqqissaavoq, Natascha Kampusch arnaasoq inersimasunngorsimasoq nammineersinnaassusilik.

Angut, Natascha Kampuschimik toqqortarinnissimasoq, qimuttuitsunut saneqqutilersunut aportilluni imminorpoq. Imminornera, Natascha Kampuschip biilerisaminnit naatsiivimmut qimaasimaneranik, pissuteqartinneqarpoq.

Østrigemi tusagassiorfiit arlalissuit Natascha Kampusch aningaasarpassuarnik akilerlugu allaaseriumagaluarpaat, niviarsiarli suli tassa oqaluttuarusunngilaq.