Inuit Nunaanni universitetimik katersuuffimmik siunissami peqalernissaa Natan Obedip noqqaassutigaaAssi: KNR

Natan Obedip issittumi ilinniagaqartut universitetimi katersorniarai

Canadami naggueqatigiit inuit siuttuat, Natan Obed, Montrealimi Inuit ilinniagaat pillugit sapaatip akunnerata naanerani ataatsimeersuartoqarnerani Issittumi ilisimatusarfinnik allanngortitsilluinnarnissamik siunnersuuteqarpoq.

Inuit Tapiriit Kanatamimi siulittaasoq, Natan Oben ataatsimeersuarnermi oqaluartuni pingaarneruvoq, taassumalu siunissamut takorluugaq asseqanngitsumik taasani saqqummiuppaa.

Natan Obed Labradorimeersuuvoq, taassumalu issittumi nunat Issittoq tamaat ilanngullugu sammisuuai, Canadamilu naggueqatigiit inuit pillugit sorsuutiginnittarluni.

Taassuma ilinniartitsineq ilinniartitaanerlu sammisani pingaarnerpaatippai.

Natan Obedip Canadami issittumi ilinniarfimmik peqalingajannissaa neriuutigisamini kisiat eqqaanngilaa. Matumanimi Kalaallit Nunaanni Ilisimatusarfimmut assingusumik ilusiliinissamut innersuussuteqarpoq.

Siulittaasullu Inuit Nunaat Universitetimik katersuuffimmik siunissami peqalernissaa aamma noqqaassutigaa.

Inuit Nunaat Universitetimi ilinniartut tassaassapput naggueqatigiit inuit sumiiffiinit sisamaneersut tassa Chokotkamit, Alaskamit, Canadamit Kalaallit Nunaanniillu.

Ilinniarfiup naggueqatigiit inuit ilinniarusutaat, naggueqatigiit inuit ilisimassusaannik ilisimasaannillu aallaaveqartut matumani nunani sisamani piorsarsimassusermit ilisimasat neqeroorutigineqarlutik ataqqineqassapput.

Natan Obedip naggueqatigiinnut inunnut issittumullu tunngasumik suliaqartussanut naggueqatigiinnut inunnut naggueqatigiinneersuunngitsunullu ilinniarfik taamaattoq takorluugaralugu oqaatigaa.

Natan Obenip Inuit Nunaat Universitetip tunngavilersinneqarnissaa maanna sulissutiginiarlugu oqalugiarnermini naggasiutitut oqaatigaa.

Ataasimeersuarnermi inuit 800-t aamma nunatsinneersut peqataapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat