Nassuttuumigooq qivittoqarpoq
Pisoqarnerata kingorna aavariaq tupassimaqisoq oqaluttuartipparput, Nassuttuumullu aavarianut mianersoqqusivoq.
Attup kujataani aavariartarfimmi Nassuttuup nunataata majortariaani, aavariaq kisimi nunap timaani angalaartilluni, tuttu pisani aattorlugu naammassillugillu, inuillinikunik qivittunik marlunnik naammattoorsivoq
- Aattorlugu naammassillugu tununninngaanniit, siutimma tunoralaannguaninngaanniit soorlu anersaarfigitittutut ikkama, Amaasa Olsen Nuummi najugalik taama oqarpoq.
Amaasa Olseni angajuni illooqqamilu uia ilagalugit nassuttuup qinnguanut Aqataamut aavariarput. Ataasinngornermi augustip aallaaqaataani, tuttutani aattoreerlugu nikuikkami takuai angutit marluk amii piniartutut palersimangaaramik kiinai ilisarnanngitsut, nujarsuilu takisuut kiinaanut assiutitut inissinneqarsimasut.
Amaasa Olsen ukioq tamaat nukittorsartarfimmi sungiusartarami saassunneqarnerminit nammineerluni aninguisinnaasimavoq.
Qivittuni naapitsernera tamakkerlugu uani tusarnaarsinnaavat.