Nassunnik imertarfiusunik kuultiusunik tillittut suli paasineqanngillat

Danskit politiivi imertarfiit nassuttut ilusillit kuultiusut ippassaq ullaassakkut tillinneqartut pillugit paasisaqarsimapput. Tassa tummeqqat angummit Jellingimiumit pigineqartut tillinniat tigusimasaat paasisaqarfigineqarsimasut nutaarsiaqartitsivik Ritzau nalunaarpoq.

Tamatuma saniatigut politiit misissueqqissaartussanik paasissutissanik tamanik katersisussanik pilersitsisimapput.

Nutaarsiassaq kingulleq tassaalluni, nassuit imertarfiit kuultiusut sanaqqaarneqaataannit iverusiat tillinnianit takunngitsoorneqarsimasut. Taakkua tassaapput iverutit imertarfiit nassuit kuultimit sanaat 1802-mi aatsillugit iverusiarineqarsimasut. Iverutit igalaaminermi karsiusami tillinniat aserugaanniittut nassaarineqarput.

Tillinniarnerup kinguneranik Sønderborg Slotimi katersugaasivimmi isumannaallisaaneq annerulersinneqarpoq, tassaniippormi danskit inuiattut eriagisaat alla, tassaasoq illerfiusaq Frøslevimeersoq, taanna kunngissaq Frederik nulialu Mary katimmata tunissutaavoq.