Nassiussinerit akii marsimi apriilimilu appasinnerussapput

Uuliamut tapi aamma nunat allat aningaasaasa nikerartarnerannut iluarsiissut 8 %-imut apparnissaa pissutigalugu qaammatini marlunni tulliuttuni nassiussat akii nunatsinniit, nunatsinnut nunattalu iluani akikinnerulissapput.
Allattoq Lotte Holm
februaarip 26-at 2009 07:59

Marsip aallaqqaataanit Royal Arctic Line A/S-ip uuliamut tapi aamma nunat allat aningaasaasa nikerartarnerannut iluarsiissut 12 procentimiit 8 procentimut appartissavaa.

Tamatumunnga patsisaavoq decembarip januaarillu qaammataani uuliap akiata pitsaasumik inissisimanera. Aappassanik uuliamut tapi aamma nunat allat aningaasaasa nikerartarneranut iluarsiissutip appartinneqarnera.

Ukiup kingulliup naajartornerani uuliamut tapi aamma nunat allat aningaasaasa nikerartarnerannut iluarsiissullu 19 procentiusimapput.

Ineqarnermut Attaveqarnermut Avatangiisinullu Naalakkersuisup, Kim Kielsen-ip tapit iluarsiiffigineqarnissaat akuerivai, taamattumik marsip aallaqqaataaniit 2009 apriilip naggataa 2009 ilanngullugu nassiussat akii nunatsiniit, nunatsinnut nunattalu iluani 8 procentimik ilassuteqartassapput.